लाईभ प्रदेश
दाङको गुरुजजुर नमुना माध्यमिक विद्यालय मा शिक्षक तथा कर्मचारीहरूले आफ्ना सन्तानलाई सोही विद्यालयमा पढाउने निर्णय गरेका छन्।
प्रधानाध्यापक विष्णु कुमारी केसी का अनुसार संयुक्त बैठकबाट यस्तो सहमति गरिएको हो, जसले सामुदायिक विद्यालयप्रति विश्वास बढाउने अपेक्षा गरिएको छ।
विद्यालयमा हाल करिब ८० जना शिक्षक–कर्मचारी र २७ सयभन्दा बढी विद्यार्थी रहेका छन्। सहायक प्रधानाध्यापक प्रमोद कुमार न्यौपाने का अनुसार आगामी शैक्षिक सत्र २०८३ देखि सबै शिक्षक–कर्मचारीका सन्तान यहीँ पढाइनेछन्।
विद्यालयले शिक्षणलाई प्रविधिमैत्री बनाउँदै इन्टरएक्टिभ बोर्डमार्फत अध्यापन गरिरहेको छ, जसले पढाइलाई अझ प्रभावकारी बनाएको छ। साथै यातायात सुविधा विस्तार, निःशुल्क शिक्षा व्यवस्था र बिदा घटाउने निर्णय पनि गरिएको छ।
