लाईभ प्रदेश
दाङ, ३० जेठ ।
तुलसीपुर उपमहानगरपालिका–५ स्थित गत बिहिबार बसपार्क ओरालोमा अपरिचित दुई व्यक्तिले बाटो छेकेर पैसा माग्दा नदिएपछि प्रेम बुढाथोकी नामका युवकमाथि कुटपिट भएको छ।
जिल्ला सल्यान कपुरकोट गाउँपालिका–३ का १८ वर्षीय बुढाथोकी र उनका साथी किरण घर्ती हिँडिरहेका बेला अपरिचित व्यक्तिहरूले निधारमा हानेर बुढाथोकीलाई घाइते बनाएपछि उनीहरू फरार भएका थिए।
घाइतेलाई सुरुवाती उपचारका लागि सीटी अस्पताल तुलसीपुरमा लगिएको थियो भने पछि थप उपचारका लागि नेपालगञ्ज रिफर गरिएको छ। बोल्न नसक्ने अवस्थामा पुगेका बुढाथोकीका आफन्त र घर्तीले साँझ ६ बजे प्रहरीलाई जानकारी दिएका थिए।
जानकारी पाएका ईलाका प्रहरी कार्यालय तुलसीपुरका प्रहरी निरीक्षक सूर्य बहादुर रानामगरको कमाण्डमा खटिएको टोलीले कुटपिटमा संलग्न शंङ्कितमध्ये तुलसीपुर–७ का १८ वर्षीय सौरभ नेपालीलाई पक्राउ गरेको छ। अर्का एक जना भने फरार रहेको प्रहरीले जनाएको छ।
