लाईभ प्रदेश
तुलसीपुर, ३१ जेठ ।
तुलसीपुर –९ बेलुवास्थित जेठ २९ गते आइसक्रिम फ्याक्ट्री नजिक एक युवकलाई लुटपाट गरिएको घटना सार्वजनिक भएको छ।
तुलसीपुर बसपार्कबाट मोटरसाइकलमा घर फर्किँदै गरेका तुलसीपुर–७ का २७ वर्षीय राजु चौधरीलाई अपरिचित व्यक्तिले “मेरो मोबाइलमा ब्यालेन्स छैन, एक फोन गर्न मोबाइल दिनुहोस्” भन्दै रोक्का गरेका थिए।
चौधरीले फोन दिएकै केही समयपछि ४–५ जना युवाहरु आई उनीमाथि आक्रमण गरी बिमा तिर्ने बहानामा रु ३९,००० नगद, लाइसेन्स, ब्लुबुक र प्रेस कार्ड खोसेर फरार भएका थिए।
पीडित चौधरीले मोबाइल आर्मी ब्यारेक नजिकबाट र लाइसेन्स ऐ. पौडेल हार्डवयर नजिक फेला पारेको जनाउँदै घटना भएको ३० गते बिहान ८:२० बजे इलाका प्रहरी कार्यालय तुलसीपुरमा निवेदन दिएका थिए।
सो घटनासँग सम्बन्धित चार जना युवाहरुलाई इलाका प्रहरी कार्यालय कोहलपुर, बाँकेको समन्वयमा नियन्त्रणमा लिइएको छ। पक्राउ पर्नेहरुमा:
- दाङ तुलसीपुर–४ का १५ वर्षीय धनिराम बिक
- ऐ.ऐ.–३ का १५ वर्षीय विशाल पोख्रेल
- ऐ.ऐ.–४ का २३ वर्षीय कुमार के.सी
- ऐ.ऐ.–४ का २१ वर्षीय शिरिस परियार (उर्फ नन्दे) रहेका छन्।
