लाईभ प्रदेश
दाङ, ९ मंसिर।
दाङमा ब्राउन सुगरसहित तीन जना पक्राउ परेका छन्। तुलसीपुर–७ राजापुरमा लोचन राईको घरबाट बस्ने ३० वर्षीय कुमार नेपाली र २३ वर्षीय विजय अधिकारीलाई प्रहरीले पक्राउ गरेको हो। शरीर खानतलासीमा उनीहरूबाट १ ग्राम ९४० मिलिग्राम खैरो धुलो पदार्थ (ब्राउन सुगर जस्तै) बरामद भएको प्रहरीले जनाएको छ। दुवैजनामाथि जिल्ला अदालत दाङबाट ५ दिनको म्याद थप गरी अनुसन्धान भइरहेको छ।
यस्तै, रोल्पा माडी–२ घर भई हाल घोराही–१३ बस्ने ३४ वर्षीय कर्णबहादुर बिक पनि लागुऔषधसहित पक्राउ परेका छन्।
घोराही–३ वनगाउँस्थित बंगुर फर्ममा बसेर लागुऔषध कारोबार गर्दै आएको सूचनाका आधारमा गरिएको चेकजाँचमा बिकको साथबाट ८०० मिलिग्राम खैरो धुलो पदार्थ फेला परेको प्रहरीले जनाएको छ। उनलाई पनि अदालतबाट ५ दिनको म्याद थप गरी अनुसन्धान जारी रहेको छ।
