🇳🇵नेपालको १८औं गणतन्त्र दिवस: जनशासनको उत्सव ।

काठमाडौं १५ , जेठ ।

आज २०८२ साल जेठ १५ गते, नेपालले १८ औं गणतन्त्र दिवस मनाईदै छ। वि.सं. २०६५ साल जेठ १५ गते संविधानसभाको पहिलो बैठकले २३८ वर्ष लामो शाहवंशीय राजतन्त्रको अन्त्य गर्दै नेपाललाई संघीय लोकतान्त्रिक गणतन्त्र घोषणा गरेको थियो।

२०६२/६३ को जनआन्दोलन र त्यसअघि १० वर्षे सशस्त्र द्वन्द्वले गणतन्त्र स्थापनाको मार्ग प्रशस्त गर्‍यो। जनताको बलिदान र संघर्षले राजतन्त्रको अन्त्य गरी नागरिक सर्वोच्चताको युगको सुरुवात गर्‍यो।

गणतन्त्रले नेपालमा वंशानुगत शासनको अन्त्य गरी जनप्रतिनिधिद्वारा निर्वाचित राष्ट्रप्रमुखको व्यवस्था ल्यायो। यसले समावेशी, समानुपातिक र लोकतान्त्रिक शासन प्रणालीलाई संस्थागत गर्दै नागरिक अधिकार र स्वतन्त्रताको सुनिश्चितता गर्‍यो।

यस वर्ष गणतन्त्र दिवसको अवसरमा तीन दिनसम्म (जेठ १४ देखि १६) विविध कार्यक्रमहरू आयोजना गरिँएकाे छ। साथै, सहिदहरूलाई श्रद्धाञ्जलि अर्पण गर्दै लोकतन्त्रका लागि योगदान दिने अग्रजहरूको सम्मान गरिएकाे छ ।

गणतन्त्र स्थापनापछि नेपालले समावेशिता, संघीयता, सामाजिक सुरक्षा, ऊर्जा विकास, पूर्वाधार निर्माण, शिक्षा, स्वास्थ्य, सूचना प्रविधि, अन्तर्राष्ट्रिय सम्बन्ध लगायतका क्षेत्रमा महत्वपूर्ण प्रगति हासिल गरेको छ। तर, राजनीतिक अस्थिरता, भ्रष्टाचार, सुशासनको अभाव, र आर्थिक विकासमा चुनौतीहरू अझै कायम छन्।

गणतन्त्र दिवस केवल ऐतिहासिक दिनको सम्झना मात्र होइन, यो लोकतन्त्र, नागरिक अधिकार, र समावेशी शासन प्रणालीको मूल्याङ्कन गर्ने अवसर पनि हो। यस अवसरमा, हामी सबैले लोकतन्त्रको संरक्षण, सामाजिक न्याय, र समृद्ध नेपालको निर्माणमा प्रतिबद्ध रहनु आवश्यक छ।