लाईभ प्रदेश
तुलसीपुर, ४ असार
दाङको तुलसिपुर –१२ हरिपौरा स्थित सडकखण्डमा हिजाे साँझ एक मोटरसाइकल अनियन्त्रित भइ दुर्घटना हुँदा एक महिला घाइते भएकी छन्।
अमेलिया बाट तुलसिपुरतर्फ आउँदै गरेको रा ८ प ३५०४ नम्बरको मोटरसाइकल अनियन्त्रित भई पल्टिँदा पछाडि सवार घोराही –१५ भरतपुरकी ३१ वर्षीया सिता महरा घाइते भएकी हुन्। उनको टाउको, हात र खुट्टामा चोट लागेको छ।
घाइते महिलालाई राप्ती प्रादेशिक अस्पताल तुलसिपुरमा प्रारम्भिक उपचारपछि थप उपचारका लागि घोराही रेफर गरिएको हो। उनको अवस्था मध्यम रहेको बताइएको छ।
दुर्घटनापछि मोटरसाइकल चालक घोराही–१३ का ३३ वर्षीय प्रताप पोख्रेललाई इलाका प्रहरी कार्यालय तुलसिपुरले नियन्त्रणमा लिएको छ।
घटनाको जानकारी पाएलगत्तै प्रहरी चौकी उरहरीबाट प्रहरी सहायक निरीक्षक कृष्ण भण्डारीको कमाण्डमा टोली घटनास्थलमा खटिएको थियो।
