लाईभ प्रदेश
काठमाण्डौ, ९ असार ।
आज बिहानदेखि लुम्बिनी, बागमती र मधेश प्रदेशका विभिन्न स्थानमा भारी वर्षा भइरहेको छ। पाल्पा, प्यूठान, नवलपरासी, चितवन, बारा, रौतहट लगायतका क्षेत्रमा ठूलो पानी परेको छ।
रुपन्देही भएर बग्ने नदी–खोला र बाराको लालबकैया खोलासहित साना खोलामा आकस्मिक बहाव बढ्न सक्ने भएकाले तटीय र डुबान हुने होचा भूभागमा सतर्कता अपनाउन बाढी पूर्वानुमान महाशाखाले आग्रह गरेको छ।
त्यस्तै, अर्घाखाँचीको राङसिङ र कपिलवस्तुको सुरई खोलालगायत साना खोलाको आसपासमा पनि सतर्क रहन भनिएको छ।
आज दिउँसो कोशी, बागमती र गण्डकी तथा राति कोशी, बागमती, गण्डकी, लुम्बिनी र सुदूरपश्चिमका केही स्थानमा भारी वर्षाको सम्भावना भएकाले सावधानी अपनाउन मौसम पूर्वानुमान महाशाखाले अनुरोध गरेको छ।
