लाईभ प्रदेश
२१ असार, दाङ
देशभर मनसुन सक्रिय भई अधिकांश भागमा आंशिकदेखि सामान्य बदली रहेको छ। कोशी, गण्डकी, लुम्बिनी, कर्णाली र सुदूरपश्चिमका केही स्थानहरूमा मेघ गर्जन, चट्याङसहित हल्कादेखि भारी वर्षा हुन सक्ने मौसम पूर्वानुमान महाशाखाको जानकारी छ।
राति पनि अधिकांश स्थानमा वर्षा जारी रहनेछ। पहाडी तथा हिमाली भूभागमा हिमपातको सम्भावना पनि रहेको छ।
भारी वर्षाले बाढी, पहिरो, डुबान र नदीको सतह बढ्न सक्ने भएकाले सर्वसाधारणलाई सतर्क रहन तथा आवश्यक तयारी गर्न महाशाखाले आग्रह गरेको छ।
