लाईभ प्रदेश
तुलसीपुर, २० साउन ।
तुलसीपुर उपमहानगरपालिका–१४ गोठुवास्थित कुलोमा बगेर गम्भीर घाइते भएकी दुई वर्षीया बालिका शुस्मा बस्नेतको उपचारका क्रममा मृत्यु भएको छ।
१९ गते साँझ अन्दाजी ५:३० बजे बालिका आफ्नै घरअगाडिको आँगनमा खेल्ने क्रममा अचानक घरनजिकैको कुलोमा खसी बगाउँदा गम्भीर घाईते भएकि थिइन्।
गम्भीर अवस्थामा रहेकी बालिकालाई उनका बुवा सुदेश बस्नेतले उद्धार गरी साँझ ६:०० बजे राप्ती प्रादेशिक अस्पताल, तुलसीपुरमा लगिएको थियो।
हालत गम्भीर रहेपछि उनलाई थप उपचारका लागि नेपालगंज मेडिकल कलेज शिक्षण अस्पताल, कोहलपुर बाँकेमा लगिएको थियो। त्यहीँ उपचारको क्रममा राति ९:३५ बजे निधन भएको हो। बालिकाको शव हाल सोही अस्पतालमा राखिएको छ।
