rita kc
जनसेवा बचत तथा ऋण सहकारी संस्थाको २५ औं साधारणसभा
तुलसीपुर, १२ असोज ।
दाङको तुलसीपुर–७ खर्चवामा रहेको जनसेवा बचत तथा ऋण सहकारी संस्था लिमिटेडले २५ औं साधारणसभा गरेको छ । आज एक कार्यक्रमको आयोजना गरी सहकारीले २५ औं साधारणसभा गरेको हो ।
संस्थाका अध्यक्ष जीवन भण्डारीको अध्यक्षता तथा तुलसीपुर–७ का वडा अध्यक्ष रामबहादुर जिसीको प्रमुख आतिथ्यतामा कार्यक्रम भएको हो । प्रमुख अतिथि जीसीले सहकारीलाई सुदृढ बनाउनका लागि सबैको सहयोग आवश्यक भएको बताउनुभयो । उहाँले शेयर सदस्यहरूलाई सहकारीको गतिविधिहरूमा निगरानी राख्न पनि आग्रह गर्नुभयो । जीसीले सहकारीले उत्कृष्ट काम गर्दै आएको र नागरिकहरूमा बचत गर्ने संस्कारको विकास भएको उल्लेख गर्दै उत्पादनशील क्षेत्रहरूमा लगानी गर्नुपर्नेमा जोड दिनुभयो ।
कार्यक्रममा संस्थाका सल्लाहाकार शेषुराम भण्डारी, दर्गा प्रसाद भण्डारी, नारायण प्रसाद भण्डारी, पूर्व अध्यक्ष खग प्रसाद पोख्रेल, झग्गु प्रसाद भुसाल लगाएतकाले शुमकामना मन्तव्य राख्नुभएको हो ।
संस्थाको प्रगति तथा सांगठनिक प्रतिवेदन सचिव दिपक केसीले प्रस्तुत गर्नुभएको हो । आर्थिक तथा आगामी अनुमानित बजेट कोषाध्यक्ष विक्रम बाबु केसी र लेखा सुपरिवेक्षण समितिको प्रतिवेदन लेखा संयोजक सुनिल खनालले प्रस्तुत गर्नुभएको हो ।
यसैबिच साधारणसभामा जेष्ठ सदस्य, असल बचतकर्ता, धेरै शेयर सदस्य बनाउने शेयर सदस्य, नियमित बचत धेरै गर्ने सदस्य, असल ऋणी तथा भवन निर्माण कोषमा सहयोग गर्ने सहयोगी दाताहरुलाई सम्मान गरिएको छ ।
संस्थाका पूर्व अध्यक्ष खग प्रसाद पोख्रेलको स्वागत मन्तव्यबाट सुरु भएको कार्यक्रमको सहजिकरण सचिव दिपक केसीले गर्नुभएको हो ।।
