rita kc
बजार व्यवस्थापन कार्यविधि एकातिर काम अर्कै
तिर भएको पाइएको छ। तुलसीपुर बजार व्यवस्थित फुटपाथको व्यवस्था गर्न नेपालको संविधान धारा २१६ बमोजिम तुलसीपुर उपमहानगरपालिकाले २०७४ कार्तिक २० गतेको बैठकको निर्णय अनुसार बजार व्यवस्थापन कार्यविधि २०७४ निर्माण गर्यो। जस अन्तर्गत फुटपाथमा कुनै व्यवसाय गर्न नपाइने उल्लेख गरेको छ तर वर्तमान समयमा अव्यवस्थित तुलसीपुर बजारको यो अवस्थाले बजार व्यवस्थापन कार्यविधिको धज्जी उडाएको देखिन्छ ।
त्यस्तै ठेला जरिमानाको हकमा ठेला रिक्सा कार्यालयमा ल्याएमा पहिलो पटकमा १५०० दोस्रो पटकमा २५०० र तेस्रो पटकमा जफत हुने व्यवस्था गरिएको छ तर ठेला व्यवसायीले पहिलोपटकमै जफत गरिएको गुनासो गरेका छन् ।
त्यस्तै २०७९ असोज २७ गते अर्को नयाँ बैठकको निर्णय अनुसार पहिलो पटकमै ठेला जफत गर्ने निर्णय गरियो। तर यो निर्णय पनि पालना नगरी ५००० जरिमाना काटेर ठेला फिर्ता गरेको पाइएको छ त्यस्तै २०८१ वैशाख २४ गते उपमेयरको संयोजकत्वमा बसेको बैठकबाट एक पटक जरिमाना असुल गरी फिर्ता गर्ने निर्णय गरियो ।
त्यस्तै नगर प्रमुख टिकाराम खड्काले व्यवसायीको भनाइ मात्र हो नगरपालिकाको तर्फबाट काम गरिरहेको बताउनुभयो ।
ठेला व्यवस्थापन सम्बन्धी कार्यविधि आएता पनि लागू भने हुन सकेको छैन। सम्बन्धित प्रशासन पनि त्यति सक्रिय भएको पाइँदैन जसकारण अव्यवस्थित तुलसीपुर बजार देख्न सकिन्छ र फुटपाथका व्यवसायीले गर्दा फलफुल व्यवसाय गर्ने व्यवसायीहरुलाई मर्का परेको गुनासो गरेका छन् ।
