लाईभ प्रदेश
दाङ २, जेठ ।
नेपाल आयल निगमले पेट्रोल, डिजेल र मट्टितेलको मूल्य घटाएको छ। पेट्रोलमा प्रतिलिटर १ रुपैयाँ र डिजेल-मट्टितेलमा प्रतिलिटर ३/३ रुपैयाँ घटाइएको हो। इण्डियन आयल कर्पोरेशनको नयाँ मूल्यसूचीअनुसार नयाँ दर लागू गरिएको निगमले जनाएको छ।
अब पेट्रोल काठमाडौ, पोखरा र दिपायलमा १५७ रुपैयाँ, दाङ र सुर्खेतमा १५६ रुपैयाँ र नेपालगञ्ज, विराटनगर, धनगढीलगायत क्षेत्रमा १५४ रुपैयाँ ५० पैसा पर्नेछ। डिजेल र मट्टितेलको मूल्य क्रमशः १४२, १४१ र १३९ रुपैयाँ ५० पैसा कायम गरिएको छ।
तर बजारमा पेट्रोलको अभाव देखिएको छ। धेरै पेट्रोल पम्पहरूमा ‘पेट्रोल छैन’ लेखिएको बोर्ड मात्र देखिन्छ। मूल्य घटे पनि आपूर्ति सुनिश्चित नहुँदा सर्वसाधारण हैरान बनेका छन्।
