लाईभ प्रदेश
काठमाडौं १ जेठ ।
सरकारले आगामी आर्थिक वर्ष २०८२/८३ देखि निजामती कर्मचारीको तलब वृद्धि गर्ने तयारी थालेको छ। मुख्य सचिव एकनारायण आर्यालका अनुसार सेवामा उत्साह बढाउन तलब बढाउन आवश्यक छ।
यसअघि २०७९/८० मा तलब १५% ले बढाइएको थियो। तीन वर्षमा तलब समायोजन गर्नुपर्ने कानुनी व्यवस्था अनुसार सरकारले पुनरवलोकन प्रक्रिया अघि बढाएको हो।
तलब सुझाव आयोगले तल्लो तहका कर्मचारीका लागि न्यूनतम तलब ४३ हजार प्रस्ताव गरेको छ। अहिले मुख्य सचिवको तलब ७७,२११ र कार्यालय सहयोगीको २४,७०२ रुपैयाँ छ।
कर्मचारी युनियनले बजार मूल्य अनुसार तलब समायोजन माग गर्दै ज्ञापनपत्र बुझाउने तयारी गरिरहेका छन्।
