लाईभ प्रदेश
तुलसीपुर ६ पुष । बालबालिकाहरूको उज्ज्वल भविष्यका लागि सुनौलो भविष्य कार्यक्रम सञ्चालनमा ल्याइएको छ ।दाङको तुलसीपुरमा अवस्थित दाङ भ्याली माध्यमिक विद्यालयले रेडियो हाम्रो पहुँचसँग सहकार्य गरी गाउँँगाउँमा पुगी अभिभावक बालबालिका र स्थानीय वडा सरकारसँग समन्वय गरी कार्यक्रम सञ्चालन गरेको छ।
देशभरकै चुनौतीको रूपमा रहेको समस्या बालबालिकाहरू दुर्वेशन र मोबाइलको लतमा फस्ने जस्ता व्यापक समस्याहरू वर्तमान समयमा देखिने गरेकाले यसबाट बालबालिकाहरूलाई मुक्त राखी उनीहरूको भविष्य निर्माणमा महत्वपूर्ण भूमिका निर्वाह गर्नका लागि गाउँ गाउँमा पुगेर अभिभावकहरूलाई शिक्षा दिन थालेको छ।
विद्यालयले आज तुलसीपुर ६ बरुवा गाउँको राप्ती बबइ टोलमा पुगेर सुनौलो भविष्य कार्यक्रम सञ्चालन गरेको विद्यालयका संस्थापक प्रधानाध्यापक तिलक साहुले बताउनुभयो । उहाँले घरनै बालबालिकाहरूको पहिलो पाठशाला भएकाले विद्यालयबाट मात्रै सबै कुरा सम्भव नहुने हुनाले यस्ता खालका कार्यक्रमहरु घरघरमानै गएर सञ्चालन गर्न लागिएको विद्यालयका अध्यक्ष तिलक साहुले बताउनुभयो ।
त्यस्तै टोल विकास संस्थाका अध्यक्ष प्रेम कवरको अध्यक्षतामा भएको कार्यक्रममा उहाँले टोलको विकासमा मात्र ध्यान दिने भएकाले बालबालिकाहरूको विषयमा त्यति चासो नदिएको र आफूले पनि बालबालिकाहरूको हेर्चाहामा खासै समय दिन नपाउने गरेको बताउनुभयो।
त्यस्तै टोलका स्थानीय देवा कवरले आफ्नो परिश्रम र मेहनत बालबालिकाहरूका लागिनै गरे पनि बालबालिकाहरूका लागि खासै समय दिन नसकेता पनि सकेसम्म समय मिलाएर बालबालिकाहरूसँग आफ्नो समय बिताउने गरेको बताउनुभयो।
यस्ता खालका कार्यक्रमहरूलाई निरन्तर रूपमा प्राथमिकता दिँदै कार्यक्रमहरू महिनाको प्रत्येक साता प्रदर्शन गरिने विद्यालयले जनाएको छ भने कार्यक्रममा विद्यार्थीहरूले विभिन्न किसिमका नृत्य प्रस्तुत गरेका थिए।
