rita kc
रिता केसी
तुलसीपुर , ९ पुस ।
दाङको तुलसीपुरमा अवस्थित तरकारी तथा फलफुल कृषि बजारका अध्यक्षबाटै ठगिएको कृषकहरूले गुनासो गरेका छन्।तरकारी तथा कृषि बजारको मूल्यसूची बोर्डमा काउली प्रति केजी ९० रुपैयाँ राखिएकोमा तरकारी तथा कृषि बजार व्यवस्थापकका अध्यक्ष माधवप्रसाद घिमिरेका पसलबाट नै काउलीको मूल्य घटेको छ भन्दै ४० रूपैयाँ केजी काउली खरिद गरेको भन्दै कृषकले गुनासो गरेका छन्।
तुलसीपुर बजारभरि नै तरकारीको मूल्य पसलैपिच्छे फरकफरक आउने गरेको व्यापक गुनासो आएपछि तुलसीपुर उपमहानगरपालिकाले कोही पनि कृषक तथा उपभोक्ताहरू नठगिउन भन्नका लागि तरकारी तथा कृषि बजारमा मूल्य सूची बोट राखेको हो।
तर मूल्यसूची बोर्डमा राखिए अनुसारको दाममा व्यापारीहरूले तरकारीहरू खरिद नगरी मूल्यसूची बोर्डमा एउटा मूल्य बेच्ने मूल्य अर्कै अर्कै राखेको कृषकले गुनासो गरेका हुन् ।
योभन्दा अगाडि ७० रूपैयाँ प्रति केजी काउली बेच्दै आएका कृषकले योपटक भने ११ केजी काउली बेचेर ४४० लगेको उहाँको भनाइ छ।
यस विषयमा हाम्रो टिमलाई पीडितले जानकारी गराइसकेपछि हामीले यस विषयमा बुझ्नका लागि बजार व्यवस्थापक माधवप्रसाद घिमिरेसँग थप कुराकानी गर्यौं
तरकारीहरूको मूल्य फरक फरक दिनमा परिवर्तन भइराख्ने हुँदा यसलाई परिवर्तन नगरिएको हो उहाँले बताउनुभयो तुलसीपुर उपमहानगरपालिकाको वेबसाइटमा हेर्दा बिहानको १० बजेर १८ मिनेटसम्म पुरानै मूल्यसूची प्रति केजी ९० राखिएको थियो भने हामीले बजार व्यवस्थापकका अध्यक्षलाई जानकारी गराइसकेपछि उहाँले मूल्य परिवर्तन गरी ४० देखि ६० प्रति केजी राख्नुभएको छ।
यता तुलसीपुर उपमहानगरपालिकाका कृषि शाखा प्रमुख धनराज गौतमले तरकारीहरूको मूल्य परिवर्तन समयसमयमा हुने गर्दछ।तरकारीहरूको मूल्य अपडेट समितिले नै गर्ने हुनाले उहाँसँग नै सम्पर्क राख्न अनुरोध गर्नुभयो।
