rita kc
तुलसीपुर , २६ चैत । पिस पाइनर इङ्लिस माेडेल स्कुलले एक भव्य कार्यक्रमका बीच दीक्षान्त समारोह सम्पन्न गरेको छ। साना बालबालिका हरूलाइ सम्मान तथा उत्प्रेरणा बढाउनका लागि १७ जना बालबालिका हरुलाइ दिक्षीत गरिएकाे हाे ।
डिभाइन टेम्पल एकेडेमीका प्रिन्सिपल भोजराज न्यौपानेको अध्यक्षतामा तुलसीपुर उपमहानगरपालिका वडा नम्बर ३ का वडा अध्यक्ष विजय बिकको प्रमुख आतिथ्यतामा कार्यक्रम भएको हो।
कार्यक्रममा प्रमुख अतिथि विकले चल र अचल सम्पत्तिभन्दा पनि बालबालिका नै अभिभावकका महत्वपूर्ण सम्पत्ति भएकाले उनीहरूलाई नै असल संस्कार सिकाउनुपर्नेमा जोड दिनुभयो । उहाँले दीक्षान्त कार्यक्रमलाई सम्बोधन गर्दै बालबालिकाहरूको आत्मबल बढाउने जस्ता क्रियाकलापहरू डिभाइनले गर्दै आएको बताउनुभयो।
त्यस्तै प्रिन्सिपल भोजराज न्यौपानेले दीक्षान्त प्राप्त गर्ने बालबालिका हरूलाई शुभकामना तथा उनीहरूको उज्ज्वल भविष्यको कामना व्यक्त गर्दै
विगतको शिक्षा जस्तोसुकै भएपनि अब आउने नयाँ पुस्तालाई फरक तरिकाले शिक्षा प्रदान गर्ने अभ्यासमा लागेको उहाँले बताउनुभयो ।
त्यस्तै कार्यक्रमका विशिष्ट अतिथि हिमाल डाँगीले शैक्षिक गतिविधि अन्तर्गत जुनसुकै क्रियाकलापमा विद्यालय सक्रिय रूपमा अगाडि बढिरहेको बताउनुभयो ।
कार्यक्रम ड्रिम ब्याङ्क्विटमा आयोजना गरिएको थियो, जहाँ अभिभावक, शिक्षक, बिद्यार्थी तथा विशेष अतिथिहरूको उल्लेखनीय उपस्थिति रहेको थियो।
साना बालबालिकाहरूले विभिन्न नृत्यहरू प्रस्तुत गरेका थिए। भने प्रत्येक बालबालिकाहरूले स्टेजमा आफ्ना भावना तथा कुरा प्रस्तुत गरेका थिए।
डिभाइन पाठशालाका शिक्षक सुषमा लामिछानेको स्वागत मन्तव्यबाट सुरु भएको कार्यक्रमको सहजीकरण शिक्षक माधवा शर्मा पोखरेलले गर्नुभएको थियो।
