लाईभ प्रदेश
दाङ ८ बैशाख ।
राष्ट्रिय परीक्षा बोर्डको बैठक आज बस्ने तयारी भएको छ। बोर्डले कक्षा १२ को परीक्षा संचालन गर्ने कि नगर्ने भन्ने विषयमा आजको बैठकबाट टुंगो लगाउने तयारी गरेको हो।
बोर्डका अध्यक्ष डा. महाश्रम शर्माका अनुसार हालको शैक्षिक आन्दोलनको कारण परीक्षा सम्बन्धी निर्णय लिन बैठक बोलाइएको हो।
शिक्षा ऐन जारी गर्नुपर्ने मागसहित शिक्षकहरू लामो समयदेखि आन्दोलनरत छन्। शिक्षक महासंघको आह्वानमा चैत २० गतेदेखि सुरु भएको आन्दोलन अन्तर्गत शिक्षकहरूले माइतीघरदेखि बानेश्वरसम्मको सडक क्षेत्रमा प्रदर्शन गरिरहेका छन्।
सरकार र शिक्षक महासंघबीच पटक पटक वार्ता भए ता पनि सहमति हुन नसकेको अवस्था थियाे। भने शिक्षा ऐन तत्काल पारित गर्नुपर्ने, विभिन्न १८ प्रकारका शिक्षक पदलाई एकद्वार प्रणालीमा समेट्नुपर्ने लगायतका माग शिक्षकहरूको छन्।
अब बोर्डको निर्णयले परीक्षा समयमै हुने कि पछि सर्ने भन्ने अन्योल हट्ने आशा गरिएको छ।
