लाईभ प्रदेश
तुलसीपुर, २९ दाङ ।
दाङको तुलसीपुर उपमहानगरपालिका–१७ बगौसीमा एक वृद्धाको आफ्नै घरको सिँढीबाट चिप्लिएर लड्दा गम्भीर घाइते भई उपचारको क्रममा मृत्यु भएको छ।
७० वर्षीया टिका श्रीस आइतबार दिउँसो आफ्नै घरको भर्याङबाट चिप्लिएर लड्नुभएको हो। लडेर उहाँको टाउको र मुखमा गम्भीर चोट लागेको थियो। तत्कालै परिवारका सदस्यहरूले उहाँलाई उपचारका लागि राप्ती प्रादेशिक अस्पताल तुलसीपुरमा पुर्याएका थिए।
इलाका प्रहरी कार्यालय तुलसीपुरका प्रवक्ता प्रहरी निरीक्षक सूर्य रानाका अनुसार अस्पतालमा करिब ४ बजे उपचार सुरु गरिएको थियो। तर, गम्भीर अवस्थाका कारण उपचारको क्रममा ४:३० बजे चिकित्सकको टोलीले उहाँलाई मृत घोषणा गरेको हो।
घटनाको समयमा श्रीसका नाती बमबहादुर श्रीस पनि साथमा रहेको बताइएको छ।p
