लाईभ प्रदेश
दाङ, २५ जेठ ।
दाङको तुलसिपुर उपमहानगरपालिका–५ रानीजरुवा नजिकै आज बिहान सवारी दुर्घटनामा एक किशोर घाइते भएका छन्। बिहान करिब ८:३० बजे रानीजरुवाबाट बेलुवा तर्फ कामको लागि जाँदै गरेको रा १ त ४०९५ नम्बरको मिक्सर ट्याक्टरको टोचनमा बसेका १५ वर्षीय पारस बिक ट्याक्टरबाट खस्दा घाइते भएका हुन्।
दुर्घटनामा उनको दुबै खुट्टामा चोट लागेको छ। उनलाई तत्काल राप्ती प्रादेशिक अस्पताल, तुलसिपुर ल्याएर उपचार थालिएको छ। चिकित्सकका अनुसार घाइतेको अवस्था मध्यम रहेको छ।
उक्त घटनामा ट्याक्टर चालक २२ वर्षीय सुनिल कुमार बिकलाई इलाका प्रहरी कार्यालय, तुलसिपुरले नियन्त्रणमा लिएको छ। साथै, घटनामा संलग्न ठेकेदार बिर बहादुर बिक र पारसका बाजे केशव बिकको समेत संलग्नता रहेको जनाइएको छ।
घटनाको थप अनुसन्धान भइरहेको प्रहरीले जनाएको छ।
