लाईभ प्रदेश
दाङ, भदौ २ ।
दाङको तुलसीपुर उपमहानगरपालिका–१२ पुकार पसल नजिक रहेको सिद्धिबिनायक फर्निचर उद्योगमा आज दिउँसो आगलागी भएको छ। दिउँसो करिब ३ः१० बजे आगलागी भएको खबर प्राप्त हुनासाथ इलाका प्रहरी कार्यालय तुलसीपुरबाट प्रहरी नायब निरीक्षक अनिल ठकुरीको कमाण्डमा २५ जनाको टोली घटनास्थल पुगेको थियो।
स्थानीय, प्रहरी, तुलसीपुर उपमहानगरपालिकाको दमकल तथा अन्य पानी ट्याङकरको सहयोगमा आगो निभाउने कार्य सञ्चालन गरिएको थियो। करिब ३ः५० बजे आगो पूर्ण रूपमा नियन्त्रणमा ल्याइएको इलाका प्रहरी कार्यालय तुलसीपुरले जनाएको छ।
यस घटनामा मानवीय क्षति नभएको पुष्टि भएको छ भने आर्थिक क्षतिको विवरण भने आउन बाँकी छ। आगलागी भएको फर्निचर उद्योग तारा बहादुर वलीको स्वामित्वमा रहेको जनाइएको छ।
