लाईभ प्रदेश
दाङ, ३ भदौ २०८२ ।
दाङको तुलसीपुर उपमहानगरपालिका–८ दुधेना स्थित कोठामा करेन्ट लागी एक महिलाको मृत्यु भएको छ।
तुलसीपुर–८ कृष्ण मन्दिर बस्ने ३५ वर्षीया कविता चौधरी, हाल दुधेना स्थित ठेकेदार खुसीराम चौधरी (४४) को कोठामा बस्दै आएकी थिइन्। सोमबार बिहान करिब १० बजे मोटरको तार समात्दा दुबै हातमा करेन्ट लागी घाइते भएकी उनलाई तत्काल राप्ती प्रादेशिक अस्पतालमा उपचारका लागि लगिएको थियो। तर, उपचारको क्रममा १० बजेर १० मिनेटमा उनको मृत्यु भएको अस्पतालले जनाएको छ।
घटनाबारे जानकारी पाएलगत्तै इलाका प्रहरी पोष्ट बेलुवा दाङ र ईलाका प्रहरी कार्यालय तुलसीपुरबाट प्रहरी टोली खटिएको थियो। मृतकको शव अस्पतालमै राखिएको छ भने घटनाबारे थप अनुसन्धान भइरहेको प्रहरीले जनाएको छ।
