लाईभ प्रदेश
दाङ, २३ भदौ ।
आज राजधानीमा भएको जेनजीहरूको प्रदर्शनका क्रममा अहिलेसम्म १३ जनाको मृत्यु भएको छ। स्वास्थ्य तथा जनसंख्या मन्त्रालय स्रोतका अनुसार उपत्यकाका विभिन्न अस्पतालमा उपचारका क्रममा ज्यान गएको पुष्टि भएको हो। मृतकमध्ये ६ जनाको उपचारका क्रममा ट्रमा सेन्टरमा, २ जनाको सिभिल अस्पतालमा, १ जनाको केएमसी अस्पतालमा, १ जनाको त्रिवि शिक्षण अस्पतालमा र ३ जनाको एभरेष्ट अस्पतालमा निधन भएको मन्त्रालयले जनाएको छ।
मृतक सबै जना प्रहरीको रबरको गोली लागेर गम्भीर घाइते भएका थिए। उनीहरूलाई थप उपचारका लागि अस्पताल पुर्याइएकोमा चिकित्सकहरूले मृत घोषणा गरेका हुन्।
आज बिहानदेखि सुरु भएको प्रदर्शनमा प्रहरीले बल प्रयोग गरेपछि स्थिति झन् हिंसात्मक बन्दै गएको हो। आन्दोलन नियन्त्रणमा लिन भन्दै दिउँसो साढे १२ बजेदेखि काठमाडौंका विभिन्न क्षेत्रमा कर्फ्यू आदेश जारी गरिएको थियो। तर पनि आन्दोलन रोकिएको छैन।
नयाँ बानेश्वरलगायतका क्षेत्र अहिले पनि तनावग्रस्त बनेका छन्।
