लाईभ प्रदेश
तुलसीपुर, १३ असोज ।
दाङमा लागुऔषध ब्राउन सुगरसहित दुई जना युवक पक्राउ परेका छन्। पक्राउ पर्नेमा घोराही उपमहानगरपालिका–१० जलौराका २५ वर्षीय निर्मल डाँगी र त्यही वडाको बुधौरा चोक बस्ने २५ वर्षीय शरद घर्ती मगर रहेका छन्।
जिल्ला प्रहरी कार्यालय दाङका प्रवक्ता डिएसपी चक्रबहादुर शाहका अनुसार उनीहरूको साथबाट ४ ग्राम ११० मिलिग्राम ब्राउन सुगर बरामद गरिएको हो।
गोप्य सूचनाको आधारमा प्रहरीले घोराही–८ सौंडीस्थित भित्री सडक खण्डमा रा.४ प.५२६३ नम्बरको मोटरसाइकल रोकेर खानतलासी गर्दा उक्त लागुऔषध फेला परेको बताइएको छ।
प्रहरीले पक्राउ परेकामाथि थप अनुसन्धान भइरहेको जनाएको छ।
