लाईभ प्रदेश
तुलसीपुर , २२ असोज ।
दाङको तुलसीपुर उपमहानगरपालिका–४ रक्षाचौरमा भएको सवारी दुर्घटनामा एक बालिका घाइते भएकी छन्।
आज २०८२ असोज २२ गते साझ करिब ४:५० काे समयमा रक्षाचौरबाट गणेशपुरतर्फ जाँदै गरेको नं. नखुलेको मोटरसाइकलले सडकमा हिँडिरहेकी ४ वर्षीया शिक्षा गन्धर्वलाई ठक्कर दिएको थियो।
शिक्षा गन्धर्व तुलसीपुर ४ निवासी करुणा गन्धर्वकी छोरी हुन्। ठक्करबाट उनको टाउकोमा चोट लागी उनी घाइते भएकी छन्।
घाइते बालिका राप्ती प्रादेशिक अस्पताल तुलसीपुरमा उपचारका लागि लगिएको थियो। हाल उनको अवस्था मध्यम रहेको र उपचारमा आमा करुणा गन्धर्व स्वयं संलग्न रहेको प्रहरीले जनाएको छ।
दुर्घटनापछि मोटरसाइकल चालक फरार भएका छन् भने घटनाबारे थप अनुसन्धान जारी रहेको प्रहरीले जनाएको छ।
थप अपडेटहरू:
साँझ ६:१० बजे : घाइते शिक्षा गन्धर्वलाई थप उपचारका लागि राप्ती स्वास्थ्य विज्ञान प्रतिष्ठान, घोराही रेफर गरिएको छ भने राप्ती स्वास्थ्य विज्ञान प्रतिष्ठानमा उपचार भइरहेको र अवस्था मध्यम सुधार हुँदै गएको जनाइएको छ।
