लाईभ प्रदेश
तुलसीपुर २५, असोज ।
आगजनीपछि रोकिएको उच्च अदालत तुलसीपुरको काम आइतबारदेखि पुनः सञ्चालन हुने भएको छ।
रजिष्ट्रार यमप्रसाद बास्कोटाका अनुसार अब मुद्दा दर्ता, रिट, निषेधाज्ञा तथा देवानी र फौजदारी कार्यविधि संहिताअनुसारका निवेदनहरू दर्ता र सुनुवाइ हुनेछन्।
अहिलेसम्म केवल बन्दीप्रत्यक्षीकरणका निवेदन मात्र लिइँदै आएको थियो।
चालु मुद्दाहरूको प्रक्रिया र नयाँ पुनरावेदन दर्ता कहिलेबाट नियमित हुने भन्नेबारे अर्को सूचना सार्वजनिक गरेर जानकारी दिइने अदालतले जनाएको छ।
जेनजी आन्दोलनका क्रममा भएको आगजनीका कारण सेवा प्रभावित बनेको थियो।
