लाईभ प्रदेश
दाङ ।
तुलसीपुर उपमहानगरपालिका–११ कटाहाका १३ वर्षीय निरज चौधरीको करेन्ट लागेर मृत्यु भएको छ ।
शनिबार दिउँसो करिब १:४५ बजे दंगिशरण गाउँपालिका–३ पदमपुर र दंगिशरण–१ को सिमानामा पर्ने बबई नदीमा माछा मार्ने क्रममा उनलाई करेन्ट लागेको इलाका प्रहरी कार्यालय तुलसीपुरका प्रहरी निरीक्षक विनोदराज खत्रीले जानकारी दिए ।
करेन्ट लागेर गम्भीर घाइते भएका चौधरीलाई तत्काल राप्ती प्रादेशिक अस्पताल तुलसीपुर लैजान खोजिए पनि उपचारका क्रममा मृत्यु भएको प्रहरीले जनाएको छ ।
मृतक चौधरी मामाको घर गएका बेला स्थानीय नदीमा माछा मार्न गएको बुझिएको छ । उनीसँगै दंगिशरण गाउँपालिका–३ चखौराका ३५ वर्षीय सरोज चौधरी, २९ वर्षीय रोहित चौधरी, ३२ वर्षीय प्रदीप चौधरी र ३० वर्षीय जीवन चौधरी पनि माछा मार्न गएका थिए ।
प्रहरीका अनुसार घटनामा संलग्नमध्ये तीन जनालाई पक्राउ गरिएको छ भने एक जनाको खोजी भइरहेको छ । घटनाबारे थप अनुसन्धान जारी रहेको प्रहरीले जनाएको छ ।
