लाईभ प्रदेश
पाल्पा, २६ मंसिर ।
पाल्पाको निस्दी गाउँपालिका–४, चिउरीवासमा जीप दुर्घटना हुँदा तीन जनाको मृत्यु भएको छ भने आठ जना घाइते भएका छन्।
लु १ ज ३९०८ नम्बरको जीप अरुणखोलाबाट रामपुरतर्फ जाँदै गर्दा शुक्रबार दुर्घटना भएको जिल्ला प्रहरी कार्यालय पाल्पाका सूचना अधिकारी प्रहरी नायब उपरीक्षक होमप्रकाश चौधरीले जानकारी दिए।
उनका अनुसार जीपमा सवार तीन जनाको घटनास्थलमै मृत्यु भएको भए पनि मृतकहरूको पहिचान खुल्न बाँकी छ।
घाइते आठ जनालाई उद्धार गरी उपचारका लागि पूर्वी नवलपरासीस्थित मध्यविन्दु प्रादेशिक अस्पताल लगिएको प्रहरीले जनाएको छ। दुर्घटनाको कारण खुलेको छैन र घटनाबारे थप अनुसन्धान भइरहेको प्रहरीले जनाएको छ।
