लाईभ प्रदेश
दाङ, १५ कात्तिक । दाङको तुलसीपुर स्थित
सल्यान रोडमा एक युवक माथि खुकुरी प्रहार
भएको छ । खुकुरी प्रहारबाट रुकुम पश्चिम
चौरजहारी नगरपालिका– ११ घर भै हाल
तुलसीपुर बस्दै आउनु भएका ३३ वर्षका वीर
बहादुर वली घाइते भएको प्रहरीले जनाएको छ ।
रेडियो प्रकृति एफएम नजिकै रहेको सल्यानी
होटलमा चिया खाँदै गरेका वलीलाई
मोटरसाइकलमा आएका ५/६ जनाको समूहले
४:४० बजे खुकुरी प्रहार गरेको इलाका प्रहरी
कार्यालय तुलसीपुरका प्रहरी निरीक्षक विनोदराज
खत्रीले जानकारी दिनुभयो ।
खुकुरी प्रहारबाट वलीको टाउको, बायाँ हात र खुट्टामा गहिरो चोट लागेको छ । वलीको राप्ती प्रादेशिक अस्पताल तुलसीपुरमा सामान्य उपचार पछि थप उपचारका लागि कोहलपुर रिफर गरिएको छ ।
घटनामा संलग्न रहेको आरोपमा तुलसिपुर -४ रक्षाचौर निवासी ३३ वर्षका गोविन्द हमाल, ३२ वर्षका बसन्त खड्का, २६ वर्षका सुदन मगर लगायत व्यक्तिहरूको खोजी कार्य जारी रहेको प्रहरीले बताएको छ ।
बाइकमा केटाहरू माथिबाट सर्र आए फनक्क बाइक घुमाए सरासर होटेलमा गए । काउन्टरमा बसेको केटालाई घचाघच फिल्मी स्टाइलमा खुकुरीले हाने । भुँइमा ढल्यो त्यसपछि पनि हाने । मान्छेहरू होहल्ला गर्न थालेपछी बाइक चढेर भागे । प्रहरि १० /१५ मिनेट पछि आएर मुचुल्का बनाएर गयो। प्रत्यक्ष दर्शी एक युवकले भने ।
