लाईभ प्रदेश
तुलसीपुर २९, दाङ ।
तुलसीपुर ६ गाेलौरा दाङमा अवस्थित डिभाइन एजुकेसन फाउन्डेसनद्वारा सञ्चालित डिभाइन टेम्पल एजुकेसनको आज १२ कक्षाको विदाई कार्यक्रम तुलसीपुरको मटका रेस्टो एन्ड पार्टी प्यालेसमा एक भव्य समारोहका बीच सम्पन्न भएको छ ।
उक्त कार्यक्रममा डिभाइन एजुकेसन फाउन्डेसनका सीइओ भोजराज न्यौपानेको अध्यक्षता तथा तुलसीपुर उद्योग वाणिज्य संघका पूर्व अध्यक्ष बिमल रिजालको बिमल रिजालकाे प्रमुख आतिथ्यतामा र नेसनल प्याप्सनका केन्द्रीय सदस्य बिमल गौतमको विशिष्ट अतिथितामा कार्यक्रम सम्पन्न भएकाे हाे ।
त्यस्तै प्रमुख अतिथि रिजालले डिवाइन टेम्पल एकेडेमीले गुणस्तरयुक्त शिक्षा प्रदानसहित संस्कारमा समेत जोड दिँदै आएकोमा गर्वित मान्दै उहाँले समाजमा सहयोग त नगर्ने तर मरिमेटी असहयोग गर्ने समाजको प्रविधिलाई हटाउनुपर्छ भन्ने कुरामा जोड दिनुभयो भने त्यस्तै फाउन्डेसनका सीइओ तथा डिभाईन टेम्पल एकेडेमीका प्रिन्सिपल न्यौपानेले विद्यार्थीहरूका लागि गरिएको यस कार्यक्रमा विदाई भएर गए तापनि अघि पछि आउने कठिनाइसँग लड्नका लागि डिवाइन टेम्लप एकेडेमी प्रतिबद्ध रहेको कुराहरु बताउनुभयो ।
त्यसै गरी कार्यक्रमका विशिस्ट अतिथि गौतमले डिभाइन टेम्पल एकेडेमीले शिक्षा क्षेत्रमा उल्लेखनीय योगदान पुर्याउँदै आएको बताउँदै गुणस्तरीय शिक्षाद्वारा विद्यार्थीहरूलाई ज्ञान, अनुशासन र सीपमा सक्षम बनाउने यस संस्थाको प्रयास प्रशंसनीय रहेको बताउनुभयो ।
कार्यक्रममा कक्षा ११ का विद्यार्थीहरूले विविध सांस्कृतिक, सांगितिक तथा नृत्य प्रस्तुतिहरू राखेका थिए । त्यस्तै गायक प्रकाश शर्मा र नृत्याङ्गना शर्मिला केसीले आकर्षक प्रस्तुति दिँदै कार्यक्रमलाई गुन्जायमान बनाउनुभएको थियो ।
कार्यक्रमको सञ्चालन कक्षा ११ का विद्यार्थीहरूको संयोजनमा भएको थियो भने बिदाई कार्यक्रममा कक्षा १२ का विद्यार्थीहरूलाई सफल भविष्यको शुभकामना दिँदै विभिन्न उपहार तथा सम्मानपत्र पनि प्रदान गरिएको थियो ।
