लाईभ प्रदेश
सागर रोका
तुलसीपुर २५ गते
तुलसीपुर–१८ बिजौरीमा रहेको दिप ज्योति बिजुली भण्डारका संचालक एवं समाजसेवी बिरेन्द्र न्यौपानेले तुलसीपुरमा रहेको रक्त सञ्चार केन्द्रमा गइ रक्तदान गरेका छन् । रगत अभावका कारण कुनै पनि बिरामीको ज्यान जान सक्ने भएकाले आफूले केन्द्रमै गएर रक्तदान गरेको न्यौपाने बताए ।
आफुले गरेको रक्तदानबाट कसैको जीवन बचाउनु पुण्य कार्य रहेको उनले बताए । अधिक रक्तस्रावका बिरामी, प्रसूति, मुटु–मस्तिष्क लगायतको शल्यक्रिया र दुर्घटनामा परेकालाई बचाउन रगत अनिवार्य रहेकाले विगतदेखि आफूले रक्तखान गर्दै आएको न्यौपानेको भनाइ छ ।
तुलसीपुर –१६ निवासी न्यौपानेले बिजौरीमा दिप ज्योति बिजुली पसल सञ्चालन गर्दै आएका छन् । आफु ब्यवसायमा मात्रै नभइ समाजसेवामा लागिपर्दै आएको उनले बताए । न्यौपाने बिजौरी उद्योग वाणिज्य संघको संस्थापक सदस्य पनि हुन् ।
