लाईभ प्रदेश
दाङ, २३ चैत ।
नेपाल सरकारले रामनवमी पर्वको अवसरमा भोलि आइतबार (चैत्र २४ गते) देशभर सार्वजनिक बिदा दिने निर्णय गरेको छ। गृह मन्त्रालयद्वारा जारी विज्ञप्तिमा उक्त जानकारी दिइएको हो।
मन्त्रालयका अनुसार रामनवमी हिन्दू धर्मावलम्बीहरूको एक महत्वपूर्ण पर्व भएकाले देशभरका सरकारी कार्यालयहरू, सार्वजनिक संस्था र निकायहरूमा सार्वजनिक बिदा दिने निर्णय गरिएको हो।
“नेपाल सरकारले संवत् २०८१ साल चैत्र २४ गतेका दिन रामनवमी पर्वको अवसरमा देशभरका सरकारी कार्यालय तथा सार्वजनिक निकायहरूमा सार्वजनिक बिदा दिने निर्णय गरेको छ,” मन्त्रालयद्वारा जारी सूचनामा उल्लेख गरिएको छ।
रामनवमीको दिन भगवान श्रीरामको जन्म भएको विश्वास गरिन्छ। यस पर्वलाई विशेष रूपमा हिन्दू धर्मावलम्बीहरूले पूजाआजा र धार्मिक कार्यक्रमका साथ धूमधामले मनाउने गर्छन ।
