लाईभ प्रदेश
तुलसीपुर, २० चैत – दाङको तुलसीपुर-८ मा रहेको अश्वारा सामुदायिक वनमा लागेको भीषण आगलागी नियन्त्रणमा आएको छ। गएराति अज्ञात समूहले लगाएको आगो आज दिउँसो ३ बजे मात्रै नियन्त्रणमा ल्याइएको हो। शव-डिभिजन वन कार्यालय तुलसीपुरका प्रमुख प्रकाश ढकालका अनुसार दमकल, नेपाली सेना, वन कार्यालयका कर्मचारी, उपभोक्ता लगायतको सक्रियतामा आगो निभाइएको हो।
सुरुवातमा सामुदायिक वनकी अध्यक्ष हेमा डाँगीको नेतृत्वमा स्थानीय टोलीले आगो नियन्त्रणमा लिने प्रयास गरे पनि सम्भव नभएपछि दमकल, सेना, र वन कर्मचारीलाई खबर गरिएको थियो।
यो आगलागीका कारण २ सय ४१ हेक्टर क्षेत्रफलको वनमध्ये १ सय हेक्टरभन्दा धेरै जलेर नष्ट भएको छ। यसबाट जीवजन्तु, चराचुरुंगीको बासस्थान, हजारौं साना बिरुवा जलेर नष्ट भएका छन् भने जैविक विविधतामा गम्भीर क्षति पुगेको छ।
बिहान ७ बजेदेखि सुरु गरिएको आगो निभाउने प्रयास दिउँसो ३ बजे मात्रै सफल भएको हो।
