rita kc
रोल्पा १५ बैशाख ।
रोल्पामा सिमेन्ट लोड गरिएको टेलर दुर्घटनामा परिँदा एक जनाको ज्यान गएको छ । दुर्घटनामा परी दाङ घोराही उपमहानगरपालिका–११ हापुर निवासी २९ वर्षीय सहचालक आयुष गिरीको घटनास्थलमै मृत्यु भएको रोल्पा प्रहरीले पुष्टि गरेको छ ।
दुर्घटनामा टेलर चालक रोल्पा परिवर्तन गाउँपालिका–२ का करिब ३० वर्षीय कृष्ण प्रसाद डाँगी गम्भीर घाइते भएका छन् । डाँगीको टाउको तथा शरीरका विभिन्न भागमा चोट लागेको र दाहिने खुट्टा भाँचिएको जनाइएको छ । उनलाई तत्काल उपचारका लागि घोराहीस्थित राप्ती स्वास्थ्य विज्ञान प्रतिष्ठानमा पठाइएको छ ।
ना १ क ६९६८ नम्बरको उक्त सिमेन्ट बोकेको टेलर घोराहीबाट नुवागाउँतर्फ जाँदै गर्दा त्रिवेणी गाउँपालिका–२, दुईखोलीमा अनियन्त्रित भई करिब १५० मिटर तल खोलामा खसेको प्रहरीले जनाएको छ ।
