rita kc
तुलसीपुर, २४ बैशाख ।
पश्चिम दाङको शान्तिनगर गाउँपालिका–२ बाघमारेका ७० वर्षीय धन बहादुर बिक मोटरसाइकलको ठक्करबाट गम्भीर घाइते भएका छन्। घटना आज बेलुका साढे ४ बजेतिर शान्तिनगर–२ स्थित मोड नजिकै घटेको हो।
रा ५ प १००९ नम्बरको मोटरसाइकलले ठक्कर दिएपछि घाइते भएका बिकलाई उपचारका लागि राप्ती प्रादेशिक अस्पताल, तुलसीपुरमा भर्ना गरिएको छ। इलाका प्रहरी कार्यालय तुलसीपुरका अनुसार उनको अवस्था गम्भीर रहेको छ।
मोटरसाइकल चलाइरहेका सोही ठाउँका ३० वर्षीय भिम बहादुर सुनार पनि घटनापछि घाइतेको उपचारमा सहयोग गरिरहेका छन्। उनका अनुसार सडकको मोडमा बिक पल्टिएको अवस्थामा थिए, जसलाई उनले समयमा देख्न नसकेर ठक्कर दिएको बताए।
