लाईभ प्रदेश
दाङ ३, जेठ ।
प्रजातान्त्रिक प्रक्रियाका बारेमा अभ्यस्त बनाउने उद्देश्यले दाङभ्याली मा. बि. तुलसीपुरले “स्कुल क्याप्टेन” को छनौट चुनावी प्रक्रियाद्वारा सम्पन्न गरेको छ। उक्त अवसरमा ,मतपत्र एवं मतपेटिकाको व्यवस्था गर्दै उम्मेदवारलाई चुनाव चिन्ह प्रदान गरि प्रचार प्रसारको लागि समय समेत निर्धारण गरिएको थियो भने चुनाव सम्पन्न गर्ने गराउने अधिकारी समेत तोकिएको थियो।
संयोगवश मौसमले पनि सितलता प्रदान गरेको अवस्थालाई सदुपयोग गर्दै विद्यालय प्राङ्गणमा नै वूथ खडा गरि मतदानको व्यवस्था गरिएको थियो। शुक्रबारीय कार्यक्रम अन्तर्गत वार्षिक क्यालेन्डर अनुसार उक्त चुनाव सम्पन्न गरिएको कुरा विद्यालयकि प्र अ शिला अर्यालले जानकारी गराउनु भएको छ।कक्षा ६ देखि ११ सम्मका विध्यार्थी भाईबहिनीले आफ्नो गोप्य मतदान गरेका थिए।
जम्मा १५ जना प्रतिस्पर्धी रहेको उक्त चुनावी नतिजा अनुसार कक्षा -१० मा अध्ययनरत छात्र लोकराज घर्तीले सबैभन्दा धेरै ४८ मत ल्याई विजयी भए भने उनका प्रतिद्वन्द्वीले अत्यन्त झिनो मतको मतान्तरले पराजय व्यहोरेका थिए।
सोही अवसरमा प्र. अ. संरक्षक रहने गरि हाल कक्षा-१० मा अध्ययनरत छात्र उत्सव शाहूको अध्यक्षतामा नौ(९) सदस्य रहेको “दाङभ्याली इ’को क्ल्ब” पनि गठन गरिएको छ। जस्को उपाध्यक्ष,कोषाध्क्ष र सचिवमा क्रमशः कक्षा-१० कै सुहान भण्डारी, कक्षा-८ का रेकिसन के सी, कक्षा-८ कै हिमाल वली एवं सद्स्यहरूमा भने प्रेन्का र उज्ज्वल बपाल चयन भएको जानकारी गराईएको छ।
