लाईभ प्रदेश
काठमाण्डाैं ४ जेठ ।
आज बिहानैदेखि देशका केही भागमा वर्षा भइरहेको छ। कोशी, गण्डकी र लुम्बिनी प्रदेशका थुप्रै ठाउँमा हल्कादेखि मध्यम वर्षा परेको मौसम पूर्वानुमान महाशाखाले जनाएको छ। हाल देशमा पश्चिमी वायु, स्थानीय प्रभाव र बंगालको खाडी तथा अरब सागरबाट आएको जलवाष्पयुक्त हावाको असर देखिएको छ।
दिउँसो कोशी, मधेस, बागमती, गण्डकी र लुम्बिनी प्रदेशका पहाडी भागमा आंशिकदेखि सामान्य बदली रहनेछ। कतिपय ठाउँमा मेघगर्जन, चट्याङसहित वर्षा र तराई–मधेसमा हावाहुरीसहित पानी पर्ने सम्भावना छ। मौसमविद् डेभिड ढकालका अनुसार विशेषगरी तराईका क्षेत्रमा हावाहुरीको सम्भावना बढी छ।
आज राति पनि अधिकांश पहाडी क्षेत्र र केही तराई भागमा बदली रहनेछ। प्रि–मनसुनी प्रणालीको प्रभाव केही दिन यस्तै रहने मौसमविद्हरूको अनुमान छ।
