लाईभ प्रदेश
तुलसीपुर ६, जेठ ।
मङ्गलवार भएकाे हावाहुरी र वर्षाले दाङको तुलसीपुर, देउखुरीको राजपुर लगायतका स्थानहरूमा विद्युत सेवा अवरुद्ध भएको छ। नेपाल विद्युत प्राधिकरणका अनुसार हावाहुरीले विद्युतका पोल ढालेको, तार चुँडिएको र ट्रान्सफर्मरमा क्षति पुर्याएको छ।
राजपुर क्षेत्रमा मात्र १९ वटा पोल र २ वटा ट्रान्सफर्मर बिग्रिएका छन्। मर्मतका लागि प्राविधिक टोली खटिएको र सेवा छिट्टै सुचारु गर्ने प्रयास भइरहेको प्राधिकरणले जनाएको छ।
प्राधिकरणले हावाहुरी, चट्याङ र वर्षाले समस्या आउने हुँदा उपभोक्तालाई धैर्य गर्न अनुरोध गर्दै गुनासोका लागि ११५० नम्बरमा सम्पर्क गर्न भनेको छ। नियमित आपूर्ति सुनिश्चित गर्न काम भइरहेको जनाएको छ।
