लाईभ प्रदेश
दाङ, ७ जेठ ।
हाल नेपालमा पश्चिमी वायु, स्थानीय वायु र बंगालको खाडीबाट आएको जलवाष्पयुक्त हावाको प्रभाव सक्रिय रहेकाले देशका धेरै स्थानहरूमा हावाहुरी, मेघगर्जन र चट्याङसहितको वर्षा भइरहेको छ।
विशेषगरी दाङ, लुम्बिनी र मधेस प्रदेशका केही भागमा हल्कादेखि मध्यम वर्षा भइरहेको छ भने आगामी तीन दिनसम्म पनि यस्तै मौसम रहने जल तथा मौसम विज्ञान विभागले जनाएको छ।
चट्याङ, तेज हावा र भारी वर्षाले जनधनको क्षति पुर्याउन सक्ने भएकाले आवश्यक नपरेसम्म घरबाहिर ननिस्कन, सुरक्षित स्थानमा बस्न र मौसम अपडेटहरू नियमित रूपमा हेर्न विभागले आग्रह गरेको छ।
