लाईभ प्रदेश
तुलसीपुर २६, जेठ ।
तुलसीपुर ६ स्थित दाङ भ्याली मावि तुलसीपुरमा ट्राफिक नियम सम्बन्धी सचेतनामूलक कार्यक्रम सम्पन्न भएकाे छ । उक्त कार्यक्रम दाङ भ्याली माविका प्रधानाध्यापक शिला अर्यालको अध्यक्षतामा र दाङ भ्याली ईको क्लबको आयोजनामा तथा ट्राफिक प्रहरी कार्यालय तुलसीपुरसँगको सहकार्यमा २५ गते आइतबारका दिन ८,९ र १० का विद्यार्थीहरु, शिक्षक शिक्षिका र बस चालक लगायतकाे उपस्थितिमा कार्यक्रम भएकाे हाे ।
तुलसीपुर ट्राफिक प्रहरी कार्यालयका प्रहरी नायक निरीक्षक नरेन्द्र शाहीले विद्यार्थीलाई प्रशिक्षण दिँदै शरीरका अङ्गहरूलाई बाहिर ननिकाल्न, चालक अनुमतिपत्र बिना सवारी नचलाउन र ट्राफिक नियम उल्लङ्घन भएमा हुने कारबाही लगायतका बारेमा सचेत बनाउनुभएको थियो । भिडियाेमा कैद गरिएका दुर्घटनाहरुलाई प्राेजेक्टर मार्फतबाट प्रत्यक्षदर्शी बनाई विद्यार्थीहरूलाई गर्ननहुने कार्यबारे सचेतना प्रदान गर्नुभएकाे थियाे ।
विद्यालयका संस्थापक अध्यक्ष तिलक शाहुले जीवन र मरणसँगै जोडिएको ट्राफिक नियम सम्बन्धित कार्यक्रमबाट विद्यार्थीहरूले सडकमा हिँड्दा ध्यान दिने यात्रा गर्दा सवारी बस कुनै पनि अङ्ग बाहिर ननिकालने लगायत जीवन सुरक्षित बन्ने महत्वपूर्ण सचेतनामूलक ज्ञानले विद्यार्थीहरुले धेरै कुरा सिक्न पाएको बताउनुभएकाे थियाे ।
