लाईभ प्रदेश
तुलसीपुर ९ साउन ।
दाङको तुलसीपुर उपमहानगरपालिका–११ कटाह त्रिवेणी टोलमा एक पुरुष मृत अवस्थामा फेला परेका छन्। स्थानीय ६० वर्षीय देशु चौधरी बिहीबार दिउँसो घरदेखि करिब ५०० मिटर पूर्वतर्फको भित्री बाटोमा मृत फेला परेको जिल्ला प्रहरी कार्यालय दाङले जनाएको छ।
घटनाबारे वडा नं. ११ का वडा सदस्य यज्ञ बहादुर बस्नेतले प्रहरी चौकी उरहरीलाई जानकारी गराएपछि प्रहरी नायब निरीक्षक (सई) एक बहादुर खड्काको टोली तत्काल घटनास्थल पुगेको थियो।
प्रहरीले प्रारम्भिक अनुसन्धान थालेको जनाएको छ भने घटनाको कारण खुल्न बाँकी रहेको बताइएको छ। मृतक चौधरीको शव पोस्टमार्टमका लागि राप्ती प्रादेशिक अस्पतालमा पठाइएको छ।
घटनाबारे थप अनुसन्धान भइरहेको प्रहरीले जानकारी दिएको छ।
