लाईभ प्रदेश
तुलसीपुर- १५ साउन ।
दाङको तुलसीपुर उपमहानगरपालिका–७ मोतिपुरको ओरालोमा ट्याक्टर दुर्घटना हुँदा दुई किशोरको ज्यान गएको छ।
शनिबार बिहान ११:०० बजे तुलसीपुरबाट विजौरीतर्फ जाँदै गरेको रा.१.त. ३४७८ नम्बरको जाली बाेकेकाे ट्याक्टर अनियन्त्रित भई पल्टिएको हो। ट्याक्टरमा सवार तुलसीपुर–१७ का १४/१५ वर्षीय सविन भण्डारी र १६/१७ वर्षीय मनोज रोका मगर गम्भीर घाइते भई राप्ती प्रादेशिक अस्पताल तुलसीपुरमा ल्याइए पनि चिकित्सकले १२:१० बजे मृत घोषणा गरेका हुन्।
ट्याक्टर चालक मानपुर निवासी २६ वर्षीय सुरेश चौधरी, १५ वर्षीय धन बहादुर चौधरी र २६ वर्षीय प्रकाश चौधरी प्रहरी नियन्त्रणमा रहि थप अनुसन्धान भईरहेकाे जनाइएकाे छ।
