लाईभ प्रदेश
तुलसीपुर २, भदौ ।
घोराही उपमहानगरपालिका–८ का अध्यक्ष जितेन्द्र बहादुर शाहको राजीनामा दुई वर्षपछि औपचारिक रूपमा स्वीकृत भएको छ। उनले १२ असार २०८० मा राजीनामा दिएका थिए। बजेटमा असहमति जनाउँदै पद छाडेका शाहलाई एमालेले २०८१ माघमा पार्टीबाट पनि कारबाही गरेको थियो।
नगर प्रमुख नरुलाल चौधरीका अनुसार सोमबारको कार्यपालिका बैठकले राजीनामा अनुमोदन गरेको हो। अब जेष्ठताका आधारमा चुडामणि चौधरी कार्यवाहक अध्यक्ष हुने भएका छन्।
शाहले स्थानीय निर्वाचनमा कांग्रेस उम्मेदवारलाई पराजित गर्दै १४५१ मतसहित विजयी भएका थिए।
