लाईभ प्रदेश
दाङ, २५ असोज ।
दाङको तुलसीपुर उपमहानगरपालिका–९ अटोभिलेजमा अबैध रूपमा तास (जुवा) खेलिरहेको अवस्थामा ९ जना व्यक्ति पक्राउ परेका छन् ।
आज २०८२ असोज २५ गते बेलुका करिब ६:१५ बजे गोप्य सूचनाका आधारमा इलाका प्रहरी कार्यालय तुलसीपुरका प्रमुख प्रहरी निरीक्षक विनोद राज खत्रीको कमाण्डमा खटिएको प्रहरी टोलीले तुलसीपुर–९ निवासी राममाया घर्तीको घरमा छापा मारेको थियो ।
प्रहरीका अनुसार सो कोठामा तास खेलिरहेको अवस्थामा ९ जनालाई नगद सहित नियन्त्रणमा लिइएको हो । पक्राउ परेकासँग प्रहरीले २ गड्डी तास र नगद रु ३४,६०५ (चौतीस हजार छ सय पाँच रुपैयाँ) बरामद गरेको जनाएको छ ।
नियन्त्रणमा परेकाहरुको विवरण यसप्रकार छः
१. तुलसीपुर–७ बस्ने ३६ वर्षीय प्रेम प्रकाश वली
२. तुलसीपुर–६ रजौरा बस्ने ३३ वर्षीय रमेश बस्नेत
३. तुलसीपुर–५ बसपार्क बस्ने ३७ वर्षीय गौरीलाल वली
४. तुलसीपुर–६ बरुवागाउँ बस्ने ३८ वर्षीय दिनेश बन्जरा
५. तुलसीपुर–५ नयाँबस्ती बस्ने २९ वर्षीय खुम बहादुर बिक
६. तुलसीपुर–८ दुधेना बस्ने ५५ वर्षीय धनबिर बिक
७. तुलसीपुर–५ बसपार्क बस्ने ३३ वर्षीय सन्तोष भण्डारी
८. तुलसीपुर–६ रजौरा बस्ने ३८ वर्षीय चेतलाल भण्डारी
९. तुलसीपुर–१६ लालपुर बस्ने ३४ वर्षीय तिलकराम के.सी.
पक्राउ परेकाहरुलाई इलाका प्रहरी कार्यालय तुलसीपुरमा राखी आवश्यक अनुसन्धान जारी रहेको प्रहरीले जनाएको छ ।
