लाईभ प्रदेश
दाङ, २ कार्तिक ।
दाङकाे तुलसीपुर –५ ख लाइन स्थित हेमराज खड्काको घरमा अबैध रुपमा जुवा खेलिरहेका पाँच जना व्यक्ति प्रहरी नियन्त्रणमा परेका छन्।
आज साँझ करिब ५ बजे गोप्य सूचनाका आधारमा इलाका प्रहरी कार्यालय तुलसीपुरबाट खटिएको टोलीले खानतलासी गर्दा हेमराज खड्काको घरमा तास खेलिरहेको अवस्थामा उनीहरूलाई पक्राउ गरेको हो। प्रहरीले उक्त स्थलबाट १ गड्डी तास र नगद रु. ५५ हजार १९५ रुपैयाँ बरामद गरेको जनाएको छ।
पक्राउ परेकाहरूमा हेमराज खड्का (५४), श्रीधर रजौरे (४५), अम्मरकुमार शर्मा (४४), प्रमोद गौतम (४५) र वकिल केसी (५४) रहेका छन्। उनीहरूलाई आवश्यक कारबाहीका लागि इलाका प्रहरी कार्यालय तुलसीपुरमा राखिएको प्रहरीले जानकारी दिएको छ।
