लाईभ प्रदेश
दाङ, ७ कार्तिक।
दाङ दंगीशरण गाउँपालिका–५ देबिगञ्जमा छोराले आमाबुवामाथि बन्चरो प्रहार गरेका छन्।
मिति २०८२ साल कार्तिक ६ गते राति करिब ९ बजे देबिगञ्जका २५ वर्षीय वीरबहादुर ओलीले मद्यपान गरेर आफ्नी आमा ५५ वर्षीया कुमारी ओली र बुवा ६५ वर्षीय बेदबहादुर ओलीमाथि आफ्नै घरमा बन्चरो प्रहार गरेका हुन्। घटनामा दुबै जनाको टाउकोमा चोट लागी अवस्था मध्यम रहेको प्रहरीले जनाएको छ।
घाइते आमाबुवालाई उपचारका लागि राप्ती प्रादेशिक अस्पताल तुलसीपुरमा भर्ना गरिएको थियो। प्रहरीले कुटपिट गर्ने वीरबहादुर ओलीलाई नियन्त्रणमा लिएर थप अनुसन्धान जारी राखेको जनाएको छ।
थप अपडेट अनुसार, आज कार्तिक ७ गते दिउँसो करिब ३:५० बजे श्रीमान्–श्रीमती दुबै जनालाई उपचारपश्चात अस्पतालबाट डिस्चार्ज गरिएको छ।
