लाईभ प्रदेश
दाङ, १७ कात्तिक ।
दाङको तुलसीपुर उपमहानगरपालिका–१२ हरीपौरीमा स्कुटीले ठक्कर दिँदा एक बालक घाइते भएका छन् ।
नेपालगञ्जबाट तुलसीपुरतर्फ आउँदै गरेको रा.६ प.३१२४ नम्बरको स्कुटीले ऐ.ऐ. गोठी बस्ने गंगा बहादुर शाहीका ८ वर्षीय छोरा विमल शाहीलाई ठक्कर दिएको हो । ठक्करबाट बालकको टाउको र शरीरमा भित्री चोट लागी घाइते भएका छन् ।
घाइते शाहीलाई उपचारका लागि राप्ती प्रादेशिक अस्पताल तुलसीपुर ल्याइएको र थप उपचारका लागि सिटी अस्पतालमा लगिएको प्रहरीले जनाएको छ । हाल उनको अवस्था मध्यम रहेको छ ।
उक्त स्कुटी चालक तुलसीपुर–७ बस्ने २१ वर्षीय राजेश विकलाई प्रहरीले नियन्त्रणमा लिएर थप अनुसन्धान अघि बढाएको छ ।
