लाईभ प्रदेश
तुलसीपुर, २१ कार्तिक ।
दाङको तुलसीपुर उपमहानगरपालिका–६ हात्तीखौवामा दुईवटा मोटरसाइकल एक–आपसमा ठोक्किँदा दुई जना व्यक्ति घाइते भएका छन्।
घोराहीबाट तुलसीपुरतर्फ जाँदै गरेको भे १ ब १८४६ नम्बरको मोटरसाइकल र विपरीत दिशाबाट आउँदै गरेको रा ६ प ५२३७ नम्बरको मोटरसाइकल आपसमा ठोक्किँदा चालकहरू घाइते भएका हुन्। घाइते दुबैजनालाई तत्काल उपचारका लागि राप्ती प्रादेशिक अस्पताल तुलसीपुरमा ल्याइ उपचार भइरहेको प्रहरीले जनाएको छ। दुर्घटनामा परेका मोटरसाइकलहरू ईलाका प्रहरी कार्यालय तुलसीपुरको नियन्त्रणमा राखिएको छ।
घाइते भएकाहरूः १. भे १ ब १८४६ नम्बरको मोटरसाइकल चालक
दाङ घोराही उ.म.न.पा.–१० बस्ने २८ वर्षीय दामोदर न्यौपाने
– बायाँ हातमा सामान्य चोट
२. रा ६ प ५२३७ नम्बरको मोटरसाइकल चालक
रोल्पा जिल्लाको गंगादेव गाँउपालिका–१ बस्ने १७ वर्षीय सन्दिप घर्तिमगर
– टाउको, बायाँ खुट्टा र बायाँ हातमा सामान्य चोट
– साथमा कागजात नभएको तथा मापसे नगरेको प्रहरीको प्रारम्भिक जानकारी
दुर्घटनासम्बन्धी अन्य तथ्यहरूको अनुसन्धान भइरहेको प्रहरीले जनाएको छ।
