लाईभ प्रदेश
६ मंसिर, मध्यविन्दु ।
नवलपरासी (बर्दघाट–सुस्ता पूर्व) को कावासोती नगरपालिका–१६ डण्डा बजारमा भएको मोटरसाइकल दुर्घटनामा एक जनाको मृत्यु भएको छ भने दुई जना घाइते भएका छन्।
शुक्रबार राति १० बजे डण्डाबाट कावासोतीतर्फ जा̈दै गरेको ना४३प ३४३६ नम्बरको मोटरसाइकललाई नम्बर नखुलेको सवारीसाधनले ठक्कर दिँदा तिनै जना गम्भीर घाइते भएका थिए। घाइतेमध्ये मोटरसाइकल चालक ४२ वर्षीय हीराबहादुर परियार को उपचारका क्रममा राति नै मृत्यु भएको प्रहरीले जनाएको छ।
मोटरसाइकलमा पछाडि सवार कावासोती–३ की ३२ वर्षीया सुनिता जोहार्जा र कावासोती–१४ की २४ वर्षीया मीना मगर को मध्यविन्दु प्रादेशिक अस्पताल डण्डामा उपचार भइरहेको छ।
ठक्कर दिने सवारीसाधनको पहिचान तथा खोजी कार्य भइरहेको प्रहरी नायब उपरीक्षक मधु नेपालले जानकारी दिएका छन्।
