लाईभ प्रदेश
मोटिभेटर डाक्टर जेपी अगरवालले मनलाई नियन्त्रण गर्न नसके जीवन सुखी नहुने बताउनुभयाे। नेपाल मानव धर्म सेवा समितिले आयोजना गरेको आध्यात्मिक विज्ञान कार्यक्रमलाई प्रमुख वक्ताका रुपमा सम्बोधन गर्दै उहाँले यस्तो बताउनु भएको हो ।
वास्तवमा मनमा बुद्धि छैन । त्यसैले यसलाई नियन्त्रणमा नराखे जीवन सुखी हुँदैन । विज्ञानमा पनि यसलाई नियन्त्रण गर्ने कुनै उपाय छैन। त्यसका लागि गर्भमा नै ज्ञानलाई रिस्टार्ट गर्नुपर्ने बताउनुभयो ।
कार्यक्रममा प्रमुख अतिथि तुलसीपुर उपमहानगरपालिका नगर प्रमुख टीकाराम खड्काले अध्यात्म र विज्ञानलाई संगै जोडेर लैजानुपर्नेमा बताउनुभयो । समाज रूपान्तरणका लागि हरेक व्यक्तिमा सकारात्मक सोचको विकास हुन जरुरी रहेको बताउँदै उहाँले त्यसका लागि आध्यात्मिक र विज्ञानको विकल्पन नभएको बताउनुभयो ।
नेपाल मानव धर्म सेवा समितिका राप्ती भेरी प्रभारी चाँदना बाइजीको अध्यक्षतामा भएको कार्यक्रमको सहजीकरण शिक्षक खगेन्द्र काफ्लेले गर्नुभएको थियो भने स्वागत मन्तव्य सचिव चन्द्रबहादुर वलीले गर्नु भएको थियो । सो अवसर चेम्बर अफ कमर्सका केन्द्रिय सदस्य टोपबहादुर घर्तीले डा. अग्रवाललाई मायाको चिनो प्रदान गर्नुभएको थियो ।
